Leak: Kjo video tregon më shumë mbi historinë e Death Stranding

Videoja është xhiruar gjatë një prezantimi privat të lojës në Gamescom

Një prezantim i ri privat i Death Stranding është treguar në Gamescom dhe një video në kualitet të ulët të këtij prezantimi ka dalë online.

Sado që kualiteti nuk është i mirë, është i dallueshëm sa për të kuptuar se çfarë po ndodh në video. Sekuencat e gameplay-it nuk janë shumë ndryshe nga ato që janë treguar deri tani, por gjithsesi janë disa skena që e shpalosin më mirë historinë e lojës.

Sado që mësuam mjaftueshëm për Death Stranding javën e shkuar, duket se ende nuk kemi parë asgjë. Sipas Geoff Keighley, i cili gjithashtu shfaqet në lojë, lojtarët nuk janë të përgatitur për atë që Hideo Kojima do të ofrojë në lojë.

Death Stranding do të lançohet në PlayStation 4 në 8 nëntor.