Bëhen leak armët, helmeta dhe zëri i kampionit të ri në LoL

Kampioni i ri mesa duket do të quhet Aidyn dhe do të vijë nga Freljord

Duket se një tjetër kampion nga Freljord do të vijë në League of Legends. Një dataminer mesa duket ka arritur të zbulojë concept art për një kampion të ri në Reddit sot, duke thënë se ai vjen nga Freljord dhe quhet Aidyn. Edhe pse leaks zakonisht kërkojnë prova përpara se të postohen, një prej moderatorëve të subreddit të League of Legends thotë se postuesi kërkon të ruajë identitetin e tij dhe se ky leak duket i vërtetë.

Koncepti i Aidyn duket se na tregon helmetën dhe armët e tij. Kampioni pritet të ketë dy kama të vogla të ngjashme me ato të Akali. Ndërkohë, helmeta ka dukshëm dizajn Freljordian dhe asaj i mungon një bri, njësoj si Sejuani.

I njëjti dataminer zbuloi përpara dy ditësh zërin e këtij kampioni.

Fansat kanë filluar të spekulojnë se cili është identiteti dhe origjina e Aidyn. Disa po tallen duke thënë se ai është vëllai i lig i Tryndamere, ndërkohë që të tjerë thonë se ai mund të jetë General Marcus Du Couteau, babai i Katarina.

Roadmap-i i Riot për 2020 thotë se dy kampionë do të vijnë në League of Legends këtë verë, një jungler i ri dhe një kampion i maskuar që refuzon të vdesë. Nuk dihet se me cilin kampion përshtatet Aidyn ose nëse ai është njëri prej tyre.

Edhe pse këto leaks janë padyshim entuziazmues, ato gjithsesi nuk duhet të merren për të mirëqena derisa Riot ta zbulojë kampionin zyrtarisht.