Leak: Ja si do të duken ‘bots’ në Fortnite

Me ardhjen e Season 11, bots do të shtohen në lojë

Epic Games konfirmoi në shtator se bots do të vinin në Fortnite, në një përpjekie për të përmirësuar pak më shumë të gjithë idenë e matchmaking. Tani disa skine të bëra leak na kanë dhënë pamjen e parë të këtyre kundërshtarëve AI.

Sepse skill levels në Fortnite kanë ndryshuar drastikisht që kur loja u lançua nga fundi i 2017s, Epic i është dashur të tregohet i kujdessheëm me mënyrën se si lojtarët caktohen me njëri-tjetrin nëpër ndeshje, në mënyrë që të gjithë të kenë një eksperiencë sa më të pëlqyeshme.

Sado pak kontradiktor, ky sistem skill-based i matchmaking duhet ta ndihmojë Epic që të parandalojë shtimin e mjeteve që janë dizenjuar për të ndihmuar lojtarët e dobët të marrin easy kills, si rasti i BRUTE mechs përshembull.

Si pjesë e këtij sistemi të ri , Epic zbuloi se bots do të shtoheshin në lojë. Këto të fundit do të përdoren kryesisht në ndeshje me nivel të ulët, për të ndihmuar grupe me lojtarë të rinj të kenë një fillim më të mbarë.

Për të siguruar që lojtarët të mund ti dallojnë kundërshtarët e vërtetë nga këto bots, ata do të veshin një skin të caktuar. Kjo mund të shihet në leak-un më të fundit që i është bërë lojës.

Qëllimi i kësaj të fundit është mjaft i thjeshtë. Lojtarët e vërtetë do të mund ta dallojnë menjëherë nëse është një kundërshtar i vërtetë ose jo. Më e rëndësishme, duke i mbajtur bots-at unikë në pamjen e tyre, lojtarët e tjerë nuk mund të shtiren sikur janë një bot.

Bots do të shtohen në Fortnite Season 11, i cili do të jetë live në 14 tetor, menjëherë pas eventit përmbyllës. Mes lojtarëve ekziston frika se shtimi i këtyre bots më shumë do të hapë punë se do të zgjidhi, por mbetet të presim derisa të fillojë Season 11 që ta dimë me siguri.