Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Kjo do të sillte një kthesë të madhe për iPhone
Gjatë javëve të fundit, leaks për iPhone 11 ndaluan, gjithsesi përpara se kjo pauzë të ndodhte, thashethemet qarkullonin se Apple do të prezantonte një kamerë triple rear në smartphone-at e tij këtë vit.
Një nga veçoritë e reja në iPhone do të jenë një sensor me një kënd super të gjerë, me kapacitet të fotografimit të imazheve deri në 130°, por nuk është kjo më shokuesja. Kjo e fundit lidhet me diçka që Steve Jobs e kishte konsideruar publikisht si diçka që nuk i pëlqente. Epo sipas këtij leaku, Apple është gati të dalë nga hija e ish themeluesit të saj.
Olixar, është një nga kompanitë e kasave të telefonit, që i merr thuajse gjithmonë detajet e para për iPhone-t dhe informacioni i sotshëm sugjeron se iPhone 11 do të shkëputet nga e kaluara e tij me hapa gjigandë. Kjo prej prezencës së Apple Pencil.
Apple ka hezituar që të vinte një stylus në telefonat e tij prej vitesh, por me rritjen e iPhone, po bëhet gjithmonë e më e vështirë për ta diferencuar një gjeneratë nga tjetra. Mund të jetë e mundur pra që 2019 do të jetë viti kur iPhone 11 Max të vendoset në kategorinë e phablet.
Një lëvizje e tillë do të ishte konkurencë e hapur për seritë Galaxy Note të Samsung, një nga prodhimet e Samsung që ka tërhequr më shumë përdorues. Ka qenë pikërisht prezenca e stylus në këto telefona që e ka bërë të mundur këtë.
Nëse informacioni i bërë leak sot rezulton i vërtetë, do të mbetet të shohim nëse Apple Pencil mund të jetë një konkurent i denjë i S-Pen të Note 10.
