iPhone XR mendohet të marrë një pasardhës në 10 shtator që do të quhet iPhone 11. Me shumë pak ditë të mbetura nga eventi i Apple për prurjet e reja të këtij viti, një leak i iPhone 11 doli online, duke zbuluar disa detaje të këndshme nga ana e performancës, gjë e cila mendohet të vijë si rezultat i fuqizimit të paisjes me A13 SoC, që mendohet të bëhet në N7 Pro architecture.
Ky leak i iPhone 11 zbulon se paisja do të operojë në iOS 13.1 me një motherboard N104A. Më herët gjatë këtij viti u raportua se pasardhësi i iPhone XR, me emrin e koduar N104. Paisja në fjalë mund të jetë modeli më i lirë nga tre telefonat që pritet të vijnë javën e ardhshme.
Një nga ndryshimet më të mëdha që u vunë re ishin në rritjen e RAM-it në 4GB. Po ta mbani mend, iPhone XR erdhi me 3GB RAM, ndërkohë që modelet më të shtrenjta iPhone XS dhe iPhone XS Max u lançuan me 4GB RAM.
Krahas kësaj duket se chipset-i A14 që fuqizon paisjen tregon përmirësime të dukshme në departamentin single-core, por jo shumë në departamentin multi-core. Një nga arsyet mund të jetë se numri i cores mes A13 dhe A12 Bionic ka mbetur njëlloj, gjashtë prej tyre në total.