Leak: Harpoon Gun do të vijë së shpejti në Fortnite

Nëse burimi nga ka ardhur ky leak është i saktë, së shpejti Fortnite Chapter 2 do të shohë prezantimin e Harpon Gun.

Pas ardhjes së update v11.10 në 29 tetor, Epic Games shtoi shumë gjëra të reja në filet e lojës dhe siç mund ta merrni me mend, kjo është mundësia më e mirë për një dataminer që të fusë hundët dhe të zbulojë pak gjëra më shumë për të ardhmen e lojës.

Tashmë e dimë se Pumpkin Rocket Launcher, siç e do edhe tradita, do të rikthehet në lojën battle royale me Fortnitemares. Gjithsesi ardhje e një arme të re mund të jetë pak më surprizuese për lojtarët.

Leaker-i i njohur i Fortnite, Lucas7yoshi ka zbuluar se Harpoon Gun, të cilën mund ta shikoni më poshtë, do të vijë së shpejti në Fortnite.

Mungesa e patch notes pas fillimit të Fortnite Chapter 2 i ka lënë lojtarët pak të hallakatur mbi ndryshimet që vijnë në lojë, por leakers-at duket të mos ndikohen fare nga kjo gjë dhe të vazhdojnë të bëjnë punën e tyre.

Harpoon Gun mund të prezantohet për ti ndihmuar fansat të luftojnë kundër Storm King, duke gjukar që ajo mund të depërtojë përmes strukturave dhe të shkaktojë damage. Në momentin që flasin ende nuk dihet se sa i lartë mund të jetë ky i fundit. Mbetet të presim dhe të shohim nëse ky leak do të rezultojë i vërtetë dhe nëse Harpoon Gun do të vijë me të vërtetë në Fortnite.