Leak: Call of Duty: Warzone battle royale do të ketë 200 lojtarë

200 janë goxha..

Një tjetër leak nga një glitch në Call of Duty: Modern Warfare sugjeron se battle royale-i i ri Warzone mund të mbajë deri në 200 lojtarë.

Një përdorues i Twitter postoi një video sot në mëngjs duke treguar se si në një farë mënyre ka akses në Warzone nga menuja kryesore e Modern Warfare. Për shumicën e lojtarëve kjo pjesë është e listuar si Classified.

E përkthyer copë copë nga gjermanishtja, ekrani i menusë thotë: “Hidhuni në një betejë unike me deri në 200 lojtarë për tu larguar nga beteja si i mbijetuari i fundit.”

Nëse kjo është e vërtetë 200 lojtarë do të ishte numri më i madh i totalit që kemi parë ndonjëherë në një lojë battle royale. Harta do të duhet të jetë goxha masive për të suportuar aq shumë lojtarë dhe do të ishte një arritje e vërtetë nga ana teknologjike.

Më herët gjatë kësaj jave, një imazh i Warzone u bë leak, duke zbuluar emrin e mundshëm të mode-it battle royale. Që nga ajo pikë lojërat e disa lojtarëve kanë kaluar glitche, që ju ka mundësuar lojtarëve akses në tutorial mode dhe më shumë.

Call of Duty: Warzone ende nuk është konfirmuar nga Infinity Ward ose Activision, por leaksat e vazhdueshëm për lojën që nga update-i i kësaj jave sugjerojnë se mode do të vijë nga momenti në moment.