LEAK: Bëhen leak imazhet e para të Grand Theft Auto 6

A janë këto imazhe pamjet e para të GTA 6?

Imazhet e para të Grand Theft Auto 6 mund të jenë bërë leak online, ose të paktën kështu shpresojnë fansat e GTA që po presin lançimin e lojës së re të serisë. Ky leak vjen nga një postim që tashmë është fshirë në Reddit. Në  fakt, edhe vetë llogaria që e bëri këtë postim tashmë është fshirë.

Me fjalë të tjera, kemi të bëjmë me një burim të dyshimtë imazhesh dhe vetë imazhet janë gjithashtu të dyshimta, prandaj mos i merrni për të mirëqëna. Megjithatë, ndonjëherë burimet më të dobëta dalin të vërteta dhe eksperienca e mëparshme na ka treguar se këto lloj leaks zakonisht dalin të vërteta kur vjen puna tek Rockstar, prandaj nuk i dihet.

Imazhet e para të bëra leak tregojnë modelin e një personazhi të kthyer me kurriz nga kamera. Është e turbullt si screenshot-et e tjera, prandaj nuk mund të kapen shumë detaje, por personzahi ka veshur syze dielli polici dhe ndodhet në një qytet të ndriçuar me ngjyra neon. Në foton e dytë kemi një aeroplan, një aeroport dhe një minimap, të cilat nuk është se janë shumë të vështira për tu sajuar. Dhe imazhi i fundit më shumë duket si një koncept se një screenshot. Duket si një makinë policie e viteve ’80 në shi dhe pozicioni i kamerës është shumë i dyshimtë. Duken fallco dhe me shumë mundësi janë, por asnjëherë nuk i dihet.

Siç mund ta shikoni, këto screenshot-e duket se kanë lidhje me tematikën e përfolur të Miami në vitet ’80, por ka shumë mundësi që këto foto janë krijuar me këtë leak në mendje.

Në këto momente, nuk dimë asnjë informacion konkret mbi lojën e ardhshme të serisë GTA, e cila nuk është konfirmuar as nga vetë Rockstar. Megjithatë, padyshim që Rockstar po punon për një lojë të re në serinë që sjell më shumë fitime për ta, të cilën me shumë mundësi do ta shohim në gjeneratën e ardhshme të konsolave.