Më parë këtë javë, u publikua “Awaken” nga League of Legends. Është një video, që sjellë si personazhet ashtu dhe botën e Riot’s MOBA në jetë, më mirë se çdo gjë që zhvilluesi ka krijuar më parë. Madje dhe një trailer i ri doli dje. Duket se Riot Games’ po vazhdon fushatën e saj impresive promocionale.
Ju mund ta shikoni videon, e cila titullohet A New Journey, në fund të këtij artikulli. Ky promovim i fundit është frymëzuar nga një histori e vërtetë nga një vajzë e quajtur Michelle dhe është jashtëzakonisht anime. Në fakt është realizuar aq mirë sa do t’i bëj fansat të luten për një anime të plotë. Ky projekt është drejtuar nga Shingo Yamashita, punët e të cilit mund të shihen në seri si Naruto: Shippuden, Soul Eater, dhe Tetsuwan: Birdy Decode.
Yasuo goditet keqazi nga Zed dhe më pas videoja vazhdon duke treguar një vajzë teksa vështron e shqetësuar humbjen në ekran. Në prag të kësaj humbjeje dërrmuese, lojtarja bashkohet me skuadrën e shkollës të League of Legends, e ulur pranë një djali të bukur, e skuqur nga turpi ,por jo në mënyrë të ekzagjëruar. Nga kjo pjesë e më vonë, fillon argëtimi.
Çfarë na pëlqen më shumë nga “Awaken” është se personazhet që nuk i kemi parë më parë, kanë marrë momentin e tyre në qendër të vëmendjes, dhe A New Journey bën të njëjtën gjë gjithashtu. Yasuo dhe Ahri shfaqen, por po ashtu dhe Braum, Ornn, Caitlyn, dhe madje edhe një shtesë relativisht e re në listë, Zoe.
Sezoni 2019 i League of Legends fillon zyrtarisht ne 24 janar.