League of Legends do të festojë 10 vjetorin me 10 ditë dhurata

Bëni log-in çdo ditë për të marrë dhuratat tuaja

Duke nisur nga nesër, 17 tetorit, 10 ditë me dhurata do të fillojnë si pjesë e festimeve të Riot Games për 10 vjetorin e League of Legends.

Çdo lojtar që futet në League of Legends gjatë këtyre 10 ditëve do të marrë një dhuratë të ndryshme si një shpërblim për kohën që ata kanë kaluar duke luajtur. I vetmi kriter është që llogaria juaj duhet të jetë krijuar përpara livestream-it ditën e djeshme.

Këto dhuarata variojnë nga një ikonë e veçantë në 6300 Blue Essence, 3000 Orange Essence dhe shumë më shumë.

Nuk u dhanë detaje të tjera, por mënyra se si u prezantua kjo veçori tregon se shpërblimet mund të merren thjesht duke u futur në lojë. Në qoftë se jo, besojmë se ato mund të merren sapo ju të mbaroni misionin tuaj ditor në lojë.

Detaje të tjera, si kapelet e festave për disa prej krijesave në lojë si dhe animime të veçanta për kampionë të ndryshëm do të vijnë në lojë, prandaj bëhuni gati për festë.

Këto janë vetëm disa prej gjërave që Riot ka zbuluar për ta bërë pjesën e mbetur të tetorit një festë për lojtarët e League of Legends. Mund të vijnë dhe më shumë dhurata gjatë këtyre 10 ditëve, prandaj sigurohuni të futeni dhe të merrni çdo gjë përpara se të zhduket.