Në tetor do të ketë një livestream dhe do të zbulohet pak nga e ardhmja e lojës
Në tetor do të ketë një livestream dhe do të zbulohet pak nga e ardhmja e lojës
League of Legends bëhet 10 vjeç në tetor. Data zyrtare e lançimit të lojës është 27 tetor 2009. Që prej asaj kohe, kemi parë dhjetëra kampionë që janë lançuar, shumë rework të Ryze dhe mjaftueshëm histori sa për të krijuar një enciklopedi.
Për të festuar suksesin e lojës dhe këtë përvjetor të madh, Riot do të nisë festimin e 10 vjetorit të lojës në 15 tetor me livestream, evente dhe zbulime për të ardhmen e lojës. Ndër gjërat më të mëdha të zbuluara është gjithashtu dhe logoja e re e League of Legends
Është një arritje e madhe për League of Legends që pas 10 vitesh ende është një prej lojrave më popullore. Loja ka arritur një maksimum prej 8 milion lojtarësh njëherësh në të gjithë botën, që Riot beson se e bën League lojën më të luajtur në PC.
Megjithatë, gjërat nuk janë ende perfekte, prandaj në 15 tetor, Riot do të zhvillojë një edicion për 10 vjetorin e lojës të “Riot Pls“, një segment mjaft popullor ku studio i jep përgjigje ankesave më kryesore të lojtarëve të lojës. Në këtë edicion special, Riot do të tregojë disa prej momenteve më të bukura të tyre, të japë disa të dhëna mbi Preseason 2020 si dhe të hedhë idetë e tyre për update-in e ardhshëm të madh të Teamfight Tactics.
Mund ta ndiqni çdo gjë live dhe të merrni pjesë kur festimet të fillojnë në 15 tetor.