League of Legends dhe Fortnite janë në listën e 10 lojërave më të mira të kësaj dekade nga TIME

Këto dy lojëra kanë ndryshuar tërësisht zhanret e tyre

Dekadës tashmë po i vjen fundit dhe duhet thënë se ka pasur shumë lojëra të mirë të cilave duhet t’i rikthehemi sërish herët a vonë. Dy lojëra të cilat janë bërë pjesë e listës së revistës TIME për videolojërat më të mira të kësaj dekade janë League of Legends nga Riot Games dhe Fortnite nga Epic Games.

Gjatë 10 viteve të fundit, si League of Legends po ashtu dhe Fortnite janë kthyer në diçka më shumë se thjesht një lojë. Ato janë bërë fenomene globale të cilat kanë ndryshuar kulturën e viteve 2010 dhe kanë popullarizuar esports në të gjithë botën.

Për shëmbull, arena kompetitive e League of Legends ka kaluar nga DreamHack në Suedi me $100,000 prize pool në shitjen e plotë të biletave në stadiume gjigande, duke arritur mbi 44 milionë shikues në finalet e Worlds 2019 gjatë këtij viti në Paris.

Ekipet njihen në mbarë globin dhe shumë ekipe të sporteve tradicionale tani janë bërë pjesë e esports në këtë lojë. Qielli është limiti për League of Legends dhe duket se jemi vetëm në sipërfaqe të asaj që kjo lojë mund të arrijë.

Fortnite ndërkohë është padyshim fenomeni kulturor më i madh i dy viteve të fundit. Kur Tyler “Ninja” Blevins luajti në stream-in e tij së bashku me Drake, njerëzit filluan të kuptonin se kjo lojë ishte vërtet e madhe, por askush nuk e dinte se sa shumë ajo do të arrinte.

Tani, Fortnite ka turnamente me prize pool miliona dollarëshe dhe arrin qindra mijëra shikues online. Kjo lojë është e njohur në thuajse çdo vend të botës dhe pritet të sjellë edhe më shumë gjatë 2020 e më tej.