Shumë pak gjëra kanë ndryshuar në versionin mobile të League of Legends
Shumë pak gjëra kanë ndryshuar në versionin mobile të League of Legends
Një trailer i ri për versionin mobile të League of Legends, Wild Rift, tregon se shumë gjëra do të jenë njësoj kur League of Legends të vijë në tableta dhe telefona. Përveç ndryshimit të controls që ishte normalisht i pritshëm, ka patur ndryshime të vogla që e kanë bërë lojën më të shpejtë dhe pak më të thjeshtë për lojtarët. Loja ka më pak runes dhe disa prej tyre janë ndryshuar për të qënë më të përshtatshëm për ndeshje të shkurtra. Stats të items gjithashtu kanë ndryshuar, por aktivet e tyre janë të njëjta me ato të versionit në PC.
Disa aftësi, si Q-ja e Nasus dhe e Miss Fortune, kanë ndryshuar. Q-ja e Nasus tani bën stack shumë më shpejt, ndërkohë që Q-ja e Miss Fortune është një skill shot dhe jo point-and-click. Kjo i jep lojtarëve mundësi të reja për përdorimin e kësaj aftësie.
Një pjesë e madhe e kampionëve të League of Legends në PC po vijnë në mobile, por fatkeqësisht jo të gjithë. Zhvilluesit thanë se do të sjellin më shumë kampionë në vazhdim, por tani për tani lista e kampionëve që do të vijnë është mjaft e mirë. Nuk mund të mungojnë në lojë kampionët popullorë si Ahri, Ezreal, Lux ose Yasuo, por në trailer shihen edhe kampionë të tjerë si Aurelion Sol, Annie, Garen etj. Të paktën për pak kohë, lojtarëve të Wild Rift nuk do t’iu duhet të luajnë kundër Teemo-s.
Wild Rift do të ketë një fazë alpha dy-javore në pajisjet Android për lojtarët nga Brazili dhe Filipinet, e cila do të nisë më 6 qershor. Ende nuk dihet se kur loja do të vijë në rajonet e tjera. Më poshtë mund të shikoni videon e plotë për më shumë detaje.