Një lojtar ka rikrijuar Summoner’s Rift në Unreal Engine
Një lojtar ka rikrijuar Summoner’s Rift në Unreal Engine
League of Legends është një prej lojërave më të mëdha në botë, duke sjellë çdo muaj miliona lojtarë në lojë. Pavarësisht popullaritetit të saj, League of Legends nuk njihet për grafikat e saj në krahasim me lojërat e tjera, pasi Riot Games ka zgjedhur të fokusohet tek performanca e lojës dhe jo tek grafikat.
Lojtarët tashmë janë mësuar me pamjen klasike të League of Legends, por një lojtar ka vendosur të rikrijojë Summoner’s Rift duke përdorur kapacitetin grafik të Unreal Engine.
Pasi rizhvilloi Summoner’s Rift, ai postoi një video duke treguar ndryshimet që ai ka bërë në hartë, duke treguar se ka punuar në këtë projekt gjatë kohës së tij të lirë.
“Vendosa të sfidoj veten me një projekt të vogël tre-javor duke kaluar disa orë në ditë duke bërë Summoner’s Rift nga League of Legends më realistik.”
Ai tregon hartën e re si nga këndi i zakonshëm i League of Legends, por edhe në first-person, duke treguar se si do të dukej loja nëse do të ishte një FPS.
Edhe pse harta është ndryshuar tërësisht, në përgjithësi dizajni i Summoner’s Rift mbetet i njëjtë, me tre lane dhe lumin që kalon përmes.
“Qëllimi ishte të ruhej dizajni i Summoner’s Rift, por të ndryshohej për ta bërë më realistik, duke qënë i bukur si nga lart, por edhe në first-person. U provova të ruaj atmosferën e Rift duke përdorur të njëjtën bimësi si në League of Legends.”
Mundësitë që grafikat e League of Legends të bëhen të tilla janë thuajse 0 në të ardhmen e afërt, por gjithsesi ky render duket mjaft interesant dhe mund të tregojë se çfarë do të vijë në të ardhmen e League of Legends.