Turnamentet javore të League of Legends janë ende të mbushura me smurfs në ranks më të ulëta
Turnamentet javore të League of Legends janë ende të mbushura me smurfs në ranks më të ulëta
Që kur u zbulua në 2018, Clash në League of Legends ka patur vazhdimisht shumë probleme. Më përpara, Riot kishte probleme me serverat e lojës, ndërkohë që tani, pas disa javëve të suksesshme, disa turnamente kanë të tjera probleme.
Smurfs kanë qënë gjithmonë problem në League of Legends, pasi lojtarët e nivelit të lartë, për arsye nga më të ndryshmet, vendosin të krijojnë llogari të reja ku mund të ndeshen me kundërshtarë shumë më të dobët.
Për ndeshje në solo queue, smurfs zakonisht përdoren për të bërë boost lojtarë të tjerë, për të bërë plays ose për t’u tallur me lojtarë të dobët. Megjithatë, ky fenomen është shumë problematik në Clash, ku lojtarët supozohet të përballen me kundërshtarë në të njëjtin nivel aftësish, por në fakt luajnë kundër një ekipi të tërë me smurfs.
Kjo ka qënë problematike për kaq kohë sa lojtarët tani mendojnë se ekipi fitues është thjesht ai që ka më shumë smurfs. Shumë lojtarë të League of Legends janë dashur të përballen me lojtarë të nivelit të dobët të cilët kanë më shumë se 30 fitore rradhazi. Dizenjuesi i lojës i Riot Games IAmWalrus sqaroi se Riot Games i merr shumë seriozisht smurfs në Clash dhe sqaroi se ata do të marrin masa ndaj tyre.
Megjithatë, tani për tani, smurfs mbeten ende problem dhe lojtarët e nivelit të ulët kanë shumë pak shpresa për të marrë shpërblime në Clash.