Par’Xzi mund të jetë kampioni i ardhshëm i League of Legends

Ai është një përzierje midis Kha’Zix dhe Ivern

Nëse besojmë zërat e fundit që kanë qarkulluar, Par’Xzi mund të jetë kampioni i ardhshëm që do të shtohet në listën e kampionëve të League of Legends.

Sipas një postimi të fshirë në Reddit, kampioni supozohet të jetë një jungler dhe duket se është një lloj përzierje midis Ivern dhe Kha’Zix. Sipas këtij leak-u, Par’Xzi mund të marrë përbindëshat e xhunglës si Ivern dhe kjo gjë e lejon atë të evolojë si Kha’Zix.

Veçoria më interesante për Par’Xzi është fakti se ai mund të zgjedhë nga më shumë se 20 evolucione. Pak a shumë si Aphelios ndryshon armët e tij dhe krijon kombinime të ndryshme, Par’Xzi mund të marrë përbindësha të ndryshëm dhe të kombinojë në mënyrë të ndryshme aftësitë e tij. Ja se si pritet të funksionojë ai:

• Level 1: Par’Xzi merr Wolves ose Raptors dhe zgjedh llojin e sulmeve të tij (Wolves: melee, Raports: ranged)
• Level 6: Par’Xzi merr Krugs, Gromp ose Scuttle dhe aftësitë e tij bëjnë scale në lidhje me dëmin që bën (Krugs: AD, Gromp: AP, Scuttle: Tank)
• Level 11: Par’Xzi merr Brambleback (Red Buff) ose Sentinel (Blue Buff), duke i shtuar efekte të tjera aftësive të tij (Brambleback: më shumë damage, Sentinel: më shumë utility)
• Level 16: Par’Xzi merr Dragon ose Baron Nashor (funksionon si Herald, pra duhet ta marrë ekipi i tij) dhe aftësitë e tij marrin efekte të tjera (Dragon: AoE në disa aftësitë, Baron: më efektive ndaj 1 kundërshtari).

Ende pa asnjë konfirmim zyrtar, ky leak padyshim që nuk është shumë i besueshëm. Par’Xzi nuk është as kampioni i rradhës që do të vijë në League of Legends, pasi ai është Sett, i cili pritet të vijë në 14 janar. Nëse Par’Xzi ekziston, duke parë aftësitë e tij, do të duhet një periudhë e gjatë testimi përpar se ai të vijë në lojë. Prandaj, nuk do të qe e çuditshme që ai të mos ishte kampioni që do të vijë aftër Sett.

2020 do të jetë një vit shumë i ngarkuar për Riot Games, pasi zhvilluesit do të shkonë përtej League of Legends dhe do të zbulojnë shumë lojëra në disa zhanre dhe platforma të ndryshme.