Riot hedh shenja drejt eventit Odyssey në League of Legends

Lojtarët kanë filluar të besojnë se Odyssey do të rikthehet në lojë

League of Legends ka disa evente brenda lojës në një vit, duke i dhënë mundësi lojtarëve të marrin vazhdimisht skin-e dhe shpërblime të tjera. Një prej mode-ve më popullore ka qënë eventi Odyssey i ardhur në 2018, i cili solli game modes të reja, si dhe një histori në një univers alternativ.

I vendosur në hapësirë, eventi Odyssey, i cili mesa duket është i inspiruar nga Guardians of the Galaxy and Borderlands, ndjek udhëtimin e kapiten Yasuo dhe ekuipazhit të tij të kampionëve në Morning Star. Shumë fansa besojnë se Riot po hedh shenja drejt një eventi të ri Odyssey pasi lojtarët gjetën mesazhe të reja në loading screen, të cilat hedhin shenja drejt këtij eventi. Këto mesazhe u shpërndanë në Twitter, duke hedhur shenja se Riot mund të sjellë kampionë të rinj në këtë univers, ndërkohë që T.A.N.A mund të jetë një anije tjetër.

Një tjetër quote përmend një satelit primitiv, i cili mund të ketë lidhje me skin-et e reja Astronaut Bard, Poppy dhe Gnar. Disa kanë sugjeruar se ata janë një pjesë e kampionëve të rinj që do t’i shtohen këtij universi alternativ.

Rikthimi i Odyssey me shumë mundësi do të sillte në lojë mode-in Odyssey: Extraction, ku lojtarët duhet të mbijetojnë kundra valëve me armiq përpara se të përballen me Kayn. Megjithatë, ende nuk dihet se çfarë kuptimi kanë këto mesazhe, pasi ka aludime që mund të jetë një event i cili do të vijë në TFT. Pritet që më shumë informacion të zbulohet së shpejti.