Riot flet për buff-in e bot lane në League of Legends

Këto janë ndryshimet e para të planifikuara për ADC në lojë

Pas disa testimeve nga Riot Games, zhvilluesit e League of Legends folën për ndryshimet që pritet të vijnë për ADC, të cilat kanë si qëllim ta bëjnë bot lane më të fuqishëm. Në fillim të majit, Riot zbuloi se do të bënte buff të gjithë kampionët ADC dhe Mark “Scruffy” Yetter tha se dëshironin ta bënin këtë rol më të fuqishëm këtë sezon.

Sipas Scruffy, problemi kryesor i bot lane nuk është damage, por fakti që ADC-ja është shumë i varur nga lojtarët e tjerë dhe e ka shumë të vështirë të mbijetojë në luftime. Kjo është lista e plotë e ndryshimeve që ka sjellë Riot deri më tani:

• Base HP është rritur me 30 për çdo ADC
• HP per level është rritur me 2
• Movement speed i Zeal është rritur nga 5% në 7%
• Movement speed i Phantom Dancer është rritur nga 5% në 7%
• Movement speed i Rapidfire Cannon është rritur nga 5% në 7%
• Movement speed i Statikk Shiv është rritur nga 5% në 7%
• Movement speed i Runaan’s Hurricane është rritur nga 5% në 7%

Ndryshimet e Base HP nuk vlejnë për Lucian, Vayne dhe Kalista. Këta tre kampionë do të marrin ndryshime të lidhura me scaling, duke qënë se luhen shumë edhe në lane solo dhe jo vetëm në bot lane.

Ndryshimet ende nuk janë finalizuar, por Riot planifikon t’i sjellë ato në Patch 10.11, i cili supozohet të vijë më 28 maj. Scruffy gjithashtu tha se tani ekipi do të fokusohet tek nerf-i i mid lane.