Nëse keni një AFK, do të penalizoheni më pak në League of Legends

Riot do të sjellë ndryshime për ndeshjet ku ju keni një lojtar AFK në ekip

League of Legends ka mjaft probleme me lojtarët që dalin AFK në mes të ndeshjes dhe e lënë ekipin e tyre në disavantazh. Për ta luftuar këtë fenomen, Riot ka vendosur të sjellë disa ndryshime për të mos penalizuar lojtarët që kanë një AFK në ekipin e tyre.

Sipas Codebear nga Riot, qëllimi është ulja e impaktit që një lojtar AFK ka në një ndeshje në League of Legends. Kjo do të vijë në formën e katër ndryshimeve kryesore:

1. Mundësia për të bërë surrender më herët gjatë një loje nëse keni AFK në ekip
2. Humbja e më pak LP nëse keni në ekip lojtarë që bëjnë troll ose dalin AFK
3. Penalizime më të mëdha përpara ndeshjeve për lojtarët që dalin AFK
4. Paralajmërime përpara ndeshjes për lojtarët që kanë dalë AFK shpesh

Këto ndryshime nuk do të vijnë njëherësh, me Codebear që tha se janë ende duke eksperimentuar dhe se kanë në planë që ato të vijnë gradualisht, siç ndodhi me Report dhe Mute në Champion Select.

Ende nuk dihet se kur do të vijnë në lojë këto ndryshime, por Riot thotë se do të ketë të paktën një eksperiment brenda muajit të ardhshëm.