45 lojtarë të LCS thonë se të qenurit pro në LoL i ka ndihmuar me lidhjet dashurore

Një poll anonim për lojtarët e League of Legends në LCS ka sjellur disa rezultate shumë interesante mbi tematika si EU vs NA dhe jetën personale.

Me LCS që filloi dje në datë 24 janar, liga ka kompletuar rezultatet e pollit të 86 skuadrave të para dhe lojtarëve Academy. Një nga pyetjet më personale të kuicit ishte nëse të qenurit një lojtar profesional i League of Legends i ka ndihmuar me lidhjet. Teksa 40% deklaruan se jo dhe 7% thanë se nuk ishin të sigurtë, mbi gjysma e atyre që u pyetën, pra 52% thanë se në fakt kjo gjë i ka ndihmuar me jetën dashurore.

Pyetje të tjera në këtë poll përfshinin tema pak kontradiktore si rëndësia e roleve specifike në League of Legends. Kur u pyetën se cili rol “kishte impaktin mët ë ulët në pro play”, një pjesë e madhe (60.5%) votuan top lane. Kur ju pyet e kundërta, 43% thanë se mid lane kishte impaktin më të madh, ndërkohë që 40.7% e tyre besuan se ishte jungle.

Gjithsesi, pyetja më intriguese nga të gjitha ishte kur lojtarët u pyetën se kush nga rajonet e North America apo Europe isht më i mirë. Vetëm 34.9% e tyre thanë se NA ishte më e mira.

Rezultati mund të ketë të bëjë me fluksin e importimeve nga Europa gjatë off-season, që ka sjellë një numër të mirë të lojtarëve të EU të marrin vende në LCS.

Gjithashtu duket se shumica e lojtarëve të LCS janë të vendosur për të ulur nga froni Team Liquid këtë sezon, me mbi gjysmën e tyre që thanë se do të preferonin të fitonin LCS sesa të dilnin nga grupi i tyre në Worlds.