Lazy Lake mund të ketë marrë fund pas update-it të fundit të Fortnite

Një prurje e re në Lazy Lake sugjeron ardhjen e katastofave në Fortnite. No Sweat Insurance ka hapur një zyrë në lojë dhe nëse e dini historinë e Fortnite, do e kuptoni që kjo nuk është gjë e mirë.

No Sweat Insurance fillimisht erdhi në Fortnite gjatë Chapter 1. Pasi Tilted Towers kishte vuajtur aksidente dhe katastrofa të shumta, No Sweat Insurance erdhi për të ofruar mbulime ndaj shkatërrimeve të bizneseve lokale.

Kur një vullkan aty pranë shpërtheu, Tilted Towers u shfaros, me çdo ndërtesë që u shkatërrua nga koka te këmbët, me përjashtimin e njërës. No Sweat Insurance dukej se mund të garantonte vetëm sigurinë e godinës së saj.

No Sweat Insurance u zhduk kur vrima e zezë thithi të gjithë botën e Fortnite në boshllëk, pak para fillimit të Chapter 2. Fakti që ajo është rikthyer është një nga shenjat më të mëdha se duhet të presim katastrofa në lojë dhe lajme të këqia për Lazy Lake.

Për ti bërë gjërat edhe më keq, shenja të No Sweat Insurance kanë filluar të shfaqen gjithandej nëpër hartë. Sado që fundi i sezonit u shty për në datë 4 qershor, ka shumë prova që vërtetojnë se diçka e keqe do të ndodhë në ishull.