Lançimi i Pixel 4 nga Google do të mbahet në tetor

Jemi të lumtur që Google më në fund solli një teaser të Pixel 4, duke na dhënë të gjithëve një ide më të mirë rreth dizajnit që do të ketë. Tani kompania ka zbuluar dhe se kur do ta mbajë eventin e lançimit të Pixel 4, për të treguar gjithashtu edhe disa produkte të tjera me të cilat ka punuar.

Gjigandi i teknologjisë ka çuar ftesa për median përsa i përket lançimit të Pixel 4, i cili është programuar për 15 tetor. Zbulimi do të bëhet në New York City, e njejta vendndodhje gjeografike ku Apple zbuloi iPhone 11. Gjithsesi në vend të tre telefonave, Google do të lançojë vetëm dy: Pixel 4 dhe Pixel 4 XL.

Pixel 4, modeli më i vogël, do të ketë një ekran AMOLED 5.6 inch me rezolucion 2280 x 1080p, ndërkohë që Pixel 4 XL më i madh do të ketë një panel AMOLED 2960 x 1440p, 6.2 inch. Të dyja paisjet do të kenë një refresh rate 90hZ. Të dyja modelet pritet të kenë 6GB RAM dhe një sistem dual-camera 12MP + 16MP nga mbrapa.

Gjithsesi Google mund të bëjë pak kompromis në departamentin e memories, ku po përdor UFS 2.1 për lançimin e Pixel 4, në vend të UFS 3.0 storage. Të dyja modelet gjithashtu pritet që të kenë sensorë në pjesën e sipërme për 3D Facial Recognition të avancuar. Përdoruesit gjithashtu mund të kryejnë veprime në ekran pa e prekur fizikisht, si pjesë e përpjekjeve të Google për Project Soli, por gjithsesi tipari nuk do të jetë i disponueshëm kudo.

Google mendohet se mund të jetë duke punuar edhe me një variant 5G të të dyja modeleve me më shumë RAM, ndaj një tip teaseri për këtë mund gjithashtu të pritet në eventin e lançimit të Pixel 4. Mbetet të presim për 15 tetorin pra.