Filmi i ardhshëm Star Wars është tanimë në produksion
Filmi i ardhshëm Star Wars është tanimë në produksion
Filmimet e Star Wars Episode IX tashmë kanë përfunduar. Lajmërimi vjen nga vetë bashkë-skenaristi dhe regjizori J. J. Abrams, i cili postoi një fotografi tepër emocionale në Twitter. Fotoja tregon Daisy Ridley, John Boyega dhe Oscar Isaac të përqafuar në mes të një shkretëtire.
Episode IX pritet të dalë në kinema në 20 dhjetor 2019.
Abrams ishte regjizor i Star Wars: The Force Awakens, gjithashtu e njohur si Episode VII, duke nisur kështu trilogjinë e re Star Wars. Rian Johnson ishte ndërkohë regjizori i filmit pasardhës, The Last Jedi. Fansat mezi po presin të shikojnë se çfarë Abrams do të realizojë në mbylljen e trilogjisë së tretë të serisë 42 vjeçare.
It feels impossible, but today wrapped photography on Episode IX. There is no adequate way to thank this truly magical crew and cast. I’m forever indebted to you all. pic.twitter.com/138AprtFuZ
— JJ Abrams (@jjabrams) February 15, 2019
Pas xhirimeve të para, zakonisht kemi rixhirime, siç ka ndodhur me The Last Jedi, Rogue One dhe Solo: A Star Wars Story. Të tre këto filma kanë kaluar procesin e rixhirime të disa skenave kryesore. Ende nuk është e qartë nëse kjo do të ndodhë dhe me Episode IX, por padyshim procesi i post produksioni do të zgjasë shumë, duke parë numrin e imazheve të krijuara nga kompjuteri.
Episode IX ende nuk ka një titull, edhe pse qarkullojnë shumë zëra. Më shumë pritet të zbulohet gjatë Star Wars Celebration, që këtë vit do të mbahet në Chicago në 11-15 prill.