Data e lançimit të GTA 6 do të jetë një nga njoftimet më të mëdha të next-gen, nëse loja vjen brenda gjeneratës së ardhshme ghhaa. Gjithsesi, ajo nuk ka për të dalë derisa të zbulojmë më shumë për projektin e ardhshëm të Grand Theft Auto Online të Rockstar.
Rockstar Games do i bëjë fansat të presin edhe më gjatë përpara se të njoftojnë datën e lançimit të GTA 6 për PS5 dhe Xbox Series X. Ka patur shumë thashetheme për këtë projekt, si leaks rreth sfondit dhe vendndodhjes së lojës.
Siç shumë prej jush tashmë e dinë, asnjë prej këtyre nuk mund të merret seriozisht derisa Rockstar të bëjë njoftimet e tij zyrtare. Bazuar në raportimet e bëra së fundmi, mund të kalojë edhe një vit tjetër përpara se GTA 6 të njoftohet.
Me këtë logjikë PS5 dhe Xbox Series X do të jetë bërë të disponueshme dhe kjo bazë lojtarësh do të jetë e interesuar në lojën e ardhshme AAA. Rockstar edhemund të na surprizojë duke e nxjerrë lojën që nesër, por gjasat janë që ajo nuk do të vijë deri në 2022.
Projekti i ardhshëm që do të sjellë studioja do të jetë expansion-i i GTA Online. Ky projekt tashmë është njoftuar dhe vjen me ardhjen e dy konsolave të reja. Rockstar ka konfirmuar se ky është update-i më i madh i lojës, që gjithashtu do të shtojë edhe një vendndodhje të re në të.
Gjithashtu do të ketë një version individual të GTA Online që do të vijë në gjysmën e dytë të 2021, që do të jetë i disponueshëm ekskluzivisht për lojtarët e PS5 gjatë tre muajve të parë.