Ky teaser i Black Ops Cold War tregon se ku do të jenë hartat e lojës

Një teaser trailer i ri është publikuar për Call of Duty: Black Ops Cold War, që ka hedhur shenja drejt disa prej vendndodhjeve të hartave multiplayer të lojës. Videoja, që është vetëm pak sekonda e gjatë, tregon vazhdimisht pika të caktuara në botë, ose me të kuqe ose me radar scan.

E para që tregohet është në jug të Florida, me shumë gjasa Miami, një vendndodhje ku e dimë se do të bazohet një prej hartave. Më pas videoja kalin në një farë radari që është përqëndruar në kufirin mes Brazilit dhe Perusë. Kjo është interesante pasi nuk ka asnjë qytet me rëndësi historike në atë zonë, gjithmonë në kontekstin e Luftës së Ftohtë.

Ka disa pika të tjera të kuqe të treguara në klip, një prej të cilave është në Nicaragua. Revolucioni i Nicaragua filloi në 1978 dhe ishte pjesë e rëndësishme e prezencës së Luftës së Ftohtë në Amerikën Latine.

Gjithashtu ka disa shenja diku në det të hapur, njëra direkt në jug-perëndim të Mexico dhe tjetra në mes të Atlantikut. Kjo duket të konfirmojë leaks të mëparshëm që një nga hartat e MP mund të jetë në ujë, pa tokë, por me tre anije të lidhura me ziplines, që lojtarët mund të përdorin.

Eventi zyrtar i zbulimit të lojës do të mbahet në 9 shtator. Klikoni linkun këtu për të zbuluar si mund ta shini atë.