Ky programmer luan Doom në një test shtatëzanie

Një programmer u bë viral në Twitter pasi thuajse ja doli që të luante Doom në ekranin e vogël të një testi shtatëzanie. Programmer-i i bazuar në Kaliforni, Foone Turing, është i specializuar në Python. Ai i vuri vetes para goxha sfidë kur tentoi ta luante lojën aksion në një test shtatëzanie elektronik.

Foone shpjegoi se: “ky është një display i zëvendësuar dhe një microcontrolleri i zëvendësuar”, duke nënkuptuar që vetëm struktura origjinale e testit të shtatëzanisë kishte mbetur. Ai vuri në dukje se arsyeja për këtë ishte fakti që “CPU ekzistuese nuk mund të riprogramohej”.

Përpara se të provonte Doom, Foone ja kishte dalë të luane videon muzikore të Bad Apple, një këngë nga videoloja Lotus Land Story e 1998.

Ai e pranoi se të luante Doom në kapacitetin e plotë si lojë do të ishte e vështirë, por se ka një mundësi të vogël që të bëhet, pra ai do të vazhdojë të përpiqet derisa ta bëjë të mundur këtë gjë. Në vend të kësaj ai zgjodhi të luante një video nga Doom.

Normalisht loja dukej shumë pixelated, për shkak të mungesës së pikselave totalë që kishte ekrani i vogël. Gjithsesi mund të dallosh format kryesore dhe këndin klasik të first-person-shooter-it.