Ky njoftim pune i Rockstar mbështet idenë e linjave të ndryshme kohore në GTA 6

Që pas lançimit të Grand Theft Auto V, fansat e GTA kanë qenë në pritje të vazhdueshme të instalimit të ardhshëm të lojës. Ata që mendonin që lançimi i saj do të ishte i njëpasnjëshëm, ju vërtetua e kundërta me ardhjen e Red Dead Redemption 2 si vazhdim i lojës së famshme të 2010s.

Gjithsesi, që nga ajo pikë, fokusi ka kaluar sërish te GTA 6, me fansat që dita ditës, tentojnë të gjejnë sadopak informacion që mund t’i drejtojë gjëkundi. Kemi patur të bëjmë me thashetheme për historinë, personazhet dhe edhe përfoljen e një date lançimi, por përgjithësisht informacioni konkret ka munguar.

Tani, përmes një tjetër njoftimi pune nga Rockstar, kemi krijuar ide të tjera se për çfarë mund të jetë GTA 6. Zhvilluesit e lojës janë duke kërkuar për një Character Costume & Wardrobe Stylist për në studion e tyre në Edinburgh. Kjo e fundit njihet që zhvillon disa nga lojërat më të famshme të kompanisë.

Përshkrimi i punës konstaton se kandidatët duhet të kenë: “një vlerësim të thellë për historinë dhe rëndësinë kulturore që veshet luajnë në shoqëri”, duke përfshirë të dyja “epokat e shkuara” dhe “stilin modern”.

Sado që në njoftim nuk specifikohet se në cilën lojë do të punojë i punësuari, gjërat duket të lidhen pak me një leak të bërë së fundmi që GTA 6 do të zhvillohej në dekada të ndryshme. Sigurisht që kurrësesi nuk mund të flasim për gjëra konkrete, duke marrë parasysh që Rockstar zakonisht nuk tregohet shumë dorëlëshuar kur vjen puna për të tilla gjëra.