Një kantautor në Los Angeles, Stephen, ka publikuar një këngë ku detajon se si krijoi varësi ndaj Overwatch dhe dëshirën e tij për ta kapërcyer këtë të fundit. Kënga e quajtur “TRACER“, përfshin referenca të shumta direkte ndaj Overwatch.
Videoklipi pastaj tregon pamje të streamerit të Twitch dhe specialistit të Tracer, Kabaji, teksa linku i adresës së tij gjendet edhe në përshkrimin më poshtë.
Sipas 27-vjeçarit, ai e zbuloi Overwatch kur ishte i sëmurë me Lyme dhe e përdori lojën si një arratisje nga realiteti i vështirë i gjendjes së tij shëndetësore.
“Nuk ka rëndësi se sa përkeqësoheshin simptomat e mia, gjithmonë mund të ndizja lojën dhe të përhumbesha në këtë fantazi kompetitive,”shkruajti ai në përshkrimin e videos dhe në Twitter, ku zbuloi se thuajse për një vit do të vinte në shtëpi dhe do të luante Overwatch derisa ta zinte gjumi.
Gjithsesi, teksa ai përdori Overwatch si një mekanizëm për të përballuar problemet e tij, së shpejti u bë një problem pasi ai u shërua.
“Kishte kaluar një vit dhe isha fizikisht i aftë të kthehesha në jetën time, por nuk doja të përballesha me faktin që isha i pafrymëzuar. Loja ishte bërë shkas për shpërqëndrimin dhe varësinë time.”
Në refren pastaj bëhet e qartë se ai ishte në dijeni të ndikimit që ky ves kishte lënë në të.
“TRACER përshkruan konfliktin mes dy pjesëve të vetes time. Gamer-in që i pëlqen dominanca, sfondi kompetitiv dhe arratisja në atë botë fantazie dhe anën tjetër timen që ishte i pakënaqur dhe i paplotësuar për shkak të kësaj varësie nga gaming.”
Sipas Stephen ky konflikt frymëzoi këngën dhe albumin e tij të ardhshëm. Ky i fundit quhet Akrasia dhe do të dalë në gusht të 2020s.