Vitin që lamë pas, një version për Red Dead Redemption 2 në PC u shfaq në profilin e një programmer-i që kishte punuar për Rockstar Leeds deri në 2016n. Ky postim u fshi shpejt nga interneti.
Tani jemi përballur me një tjetër situatë të ngjashme. Profili i një programmer-i që punonte për Rockstar Toronto, gjithashtu ka një listim që përmend Red Dead Redemption 2 në PC.
Nan Ma është personi në fjalë. Ai ka punuar te Rockstar për gjashtë vite dhe pesë muaj dhe në profilin e tij mund të shohim edhe përfshirje me Max Payne 3 dhe GTA 5. Tashmë ai është CEO dhe themeluesi i një studioje VR të quajtur Future Immersive.
Pas këtij lajmi duket se e gjithë teoria që Rockstar do të njoftojë një lojë të re në E3 është e vërtetë dhe me shumë mundësi do të jetë Red Dead Redemption 2 PC.