Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Anthem i BioWare është një dështim i madh dhe kjo gjë në fakt është konstatuar me kohë më parë, por tani të paktën mund të merrni paratë mbrapsht. Ligji që mbron konsumatorin në Australi është duke e detyruar Sony që të japë rimbursimet e Anthem. Deri më tani Sony është duke rimbursuar ata që kërcënojnë se do të shkojnë te autoritetet. Lajmi i mirë këtu është që çdo furnizues që gjendet në Australi mbrohet nga ligji i konsumatorit.
Qoftë EA Origin, Amazon, PlayStation Store ose Xbox Marketplace, situata nuk është e limituar vetëm te Sony. Nëse keni blerë Anthem në Australi mund të vërtetoni që loja merr shumë reklamim të rremë. Një nga përdoruesit e Reddit arriti të rimbursohej, sado që Sony e refuzoi në fillim. Pasi u bë i njohur me ligjin për mbrojtjen e konsumatorit, ai kontaktoi shërbimin e klientit dhe e shpjegoi atë. Ai madje kërecënoi të kontaktonte dhe Gjykatën Australiane. Dy javë më vonë ai mori paratë e tij mbrapsht.
Pra nëse jetoni në Australi, që e dyshojmë, sepse audienca jonë nuk është se rri në Australi, mund të shpjegoni që Anthem është një produkt defektoz dhe të merrni rimbursimin për të. Krahas kësaj reklamimi i rremë i lojës në E3 2017 dhe E3 2018 bie në kundërshtim me ligjin australian të konsumatorit. E gjithë çështja është që ta njohësh mirë atë.
Këtu në Shqipëri dyshojmë që rimbursimet për Anthem të jenë të mundura, por gjithsesi ky artikull ishte më shumë i idesë: ‘shikoni ç’bën bota’.
Anthem u lançua për PC, Xbox One dhe PS4 para disa muajsh dhe që në atë pikë, një tek lajm i mirë nuk ka ardhur për lojën. Ndoshta ky është vërtetë fundi për Anthem.
