“Nuk ka asnjë justifikim për ekspozimin e fëmijëve ndaj këtyre praktikave.”
“Nuk ka asnjë justifikim për ekspozimin e fëmijëve ndaj këtyre praktikave.”
Senator Josh Hawley ka njoftuar se do të prezantonte një ligj që do të ndalonte taktikat manipulative në videolojëra për të mitur, përfshirë këtu ndalimin e shitjeve të loot boxes.
Nëse ky legjislacion pranohet, do të ndalonte shitjen e loot-it nëpër lojëra që janë të targetuara për gamer-a nën 18 vjeç. Lojërat që kanë audiencë më të gjerë pastaj, mund gjithashtu të preken nga ky ligj, nëse kompanitë me vetëdije i lejojnë fëmijët ti blejnë këto.
“Media sociale dhe videlojërat bazohen në varësinë e përdoruesit, duke thithur vëmendjen e fëmijëve tanë nga bota reale dhe duke iu marrë fitime, falë nxitjes së veseve të dëmshme. Një gjë është e qartë: nuk ka asnjë justifikim për ekspozimin e fëmijëve ndaj këtyre praktikave.” është shprehur Hawley.
Nëse loja është drejtuar për të miturit do të caktohet me mjete që ata tashmë i përdorin për Children’s Online Privacy Protection Act (COPPA). Krahas kësaj do të studiohet edhe subjekti i lojës dhe përmbajtia e saj vizuale, për të caktuar se kush grupmoshë i përgjigjet një loje.
Mekatikat pay-to-win të drejtuara ndaj të miturve, gjithashtu do të dalin jashtë loje me këtë propozim ligjor. Këtu përmendim sisteme që inkurajojnë përdoruesit të shpenzojnë para për të patur progres më të shpejtë në lojë.
Shumica e këtyre lojërave shpesh herë janë falas dhe nivele ose sfida të caktuara janë më të thjeshta për tu kaluar me një armë ose aftësi më të fortë, që mund të merret vetëm përmes microtransactipns. Gjithashtu aplikohet edhe në lojërat multiplayer që fuqizojnë më shumë lojtarët që shpenzojnë para në lojë në krahasim me ata që jo.
“Kur një lojë është e dizenjuar për fëmijë, zhvilluesit nuk duhet të lejohen ti vënë një çmim varësisë së tyre. Pastaj kur fëmijët luajnë lojëra të dizenjuar për të rritur, ata duhet të shtyhen tutje nga microtransactions. Ata zhvillues që i përballin fëmijët me vetëdije të plotë kundrejt këtij fenomeni duhet të përballen me pasoja ligjore.”
Loot boxes dhe microtransactions shpesh vihen re si tipar i lojërave mobile, por ky trend ka ardhur edhe në lojëra me buxhet më të madh si FIFA, Overwatch, PUBG etj. Fortnite ka pas shitur loot boxes për një periudhë kohe në mode-in e saj “Save the World”, por gjatë këtij viti ato u hoqën.
Entertainment Software Association i është përgjigjur këtij propozimi, duke thënë se vende të tjera kanë vendosur se loot boxes nuk klasifikohen si kumar, diçka kjo që është kritikuar shumë shpesh në të shkuarën.
“Mezi po presim që ti tregojmë senatorit informacionin dhe mjetet që industria e gaming përdor për të mbajtur kontrollin e shpenzimeve brenda lojës në duart e prindërve. Prindërit e kanë fare të thjeshtë të limitojnë ose të ndalojnë bëerjet e fëmijës brenda lojës me opsionin e kontrollit prindëror.” ka thënë ESA.
Propozimi ligjor, nëse do të zbatohet do të ndalojë çdo lloj mënyre shit-blerjeje nëpër videolojëra që do të përfshijë të miturit. Do të gënjenim veten nëse do të thonim që nuk është fenomen i përhapur, ose nëse do të thonim që kontrolli prindëror realisht funksionon. Gjithsesi do të shpresojmë që gjërat mes ESA dhe Sen. Hawley të arrijnë në një kompromis.