Një ish burim i brendshëm i Rockstar ka fikur të gjitha spekulimet për mundësinë e ardhjes së GTA 6 së shpejti. Kjo mes thashethemeve të vazhdueshme se zhvilluesit mund të jenë duke punuar me diçka.
Disa fansa shpresuan se 2020 do të sillte ndonjë farë lajmi për lançimin e GTA 6, por jemi në 2021 dhe ende nuk kemi as edhe një gjë që dimë për të. Loja padyshim që po prodhohet, por gjasat janë që ajo nuk do të lançohet së shpejti.
Një ish burim i brendshëm i Rockstar, Yann2295, ka folur për një seri thashethemesh që kanë qarkulluar për GTA 6 gjatë viteve të fundit. Ai u drejtua në Twitter në datë 2 janar për të adresuar disa nga leaks që kanë thënë se loja e re e GTA do të njoftohet së shpejti.
“Po, GTA 6 po zhvillohet. Jo, nuk do të vijë së shpejti,” shkruajti Yann në twitter duke u hedhur direkt në temë. “Jo, nuk e di se kur do të lançohet ose njoftohet. Mund të ndaloni së më pyeturi tani.”