Ky leak në Modern Warfare zbulon armët që do të vijnë në Season 4

Disa dataminers të Call of Duty kanë zbuluar armë nga filet e Modern Warfare, që mund të shtohen me ardhjen e Season 4 në lojë. Leaks-at erdhën nga Reddit u/JeaneJWE, i cili zbuloi informacione për një sërë armësh të reja. Këto të fundit lidhen me APC9 SMG, Vector SMG, HK G28 DMR, Galil AR dhe XM109 semi-auto rifle.

Kur vjen puna për armët që lojtarët mund të presin të shohin në sezonin e 4, përdoruesi i Reddit thotë se gjasat janë të ulëta për APC9, pasi ajo ka qenë prezente në filet e lojës që në lançimin e saj.

“Për këtë arsye besoj se Season 4 do të lançohet me Vector dhe Galil si dy armë të reja, me G28 që do të vijë më vonë si një armë në mes të sezonit,” spekuloi ai.

Për të analizuar më mirë këto file, YouTuber-i i njohur “The Gaming Revolution” ka zbuluar disa pamje të hershme të disa prej këtyre armëve, duke na dhënë një ide se sa kanë ecur këto të fundit në zhvillimin e tyre.

Edhe ky thotë se ka shumë gjasa që Galil të vijë në Season 4, duke treguar edhe audio të armës nga një burim anonim. Pamje të ngjashme ilustrohen edhe për Vector, një SMG është shfaqur në shumë lojëra të Call of Duty, përfshirë CoD: Ghosts të Infinity Ward.

Nëse hamendësojmë se të dyja armët do të vijnë në Modern Warfare, atëherë ato do të jenë të disponueshme edhe në Warzone në formën e drops.

Fakti që të dyja armët mund të shihen në filet e lojës sugjeron se ato janë thuajse gati për lançim. Sigurisht që ky lajm nuk është i konfirmuar, ndaj mbetet të presim për ardhjen e sezonit të 4 që ta dimë me siguri.