Update-i për sezonin e tretë të Fortnite është shumë pranë dhe leaks në lojë, që janë zbular nga dataminers pas update v12.50, duket të konfirmojnë se një udhëtim nënujor do të vijë për lojtarët.
Dataminer-i FortTory zbuloi tre file në patch-in e fundit të lojës, që jepnin disa të dhënë për çka i pret lojtarët në vazhdim. Imazhi i parë tregon Meowscles i zhytur në ujë nga mesi e poshtë. Posteri i dytë tregon një shtëpi që pluskon në ujë. Është e qartë që niveli i ujit është ngritur përtej gardhit.
Posteri i tretë tregon Peely skin në një moment të sikletshëm. Duke u frymëzuar nga filmi i famshëm i Jaws në 1975, skini i bananes po pluskon mbi një peshkaqen gjigand. Nuk mund ta dallojmë nga imazhi nëse peshkaqenat do të shtohen në Sezonin e 3, por padyshim që do i përshtateshin tematikës nënujore. Të tre posterat kanë ikonën e një çadre që po digjet në cepin e majtë poshtë.
Meqënëse jemi në kohë pandemie dhe nuk largohemi dot për të ikur në det, ndoshta Epic ka vendosur të sjellë detin në Fortnite për lojtarët. Gjithmonë mbetet të presim dhe të shohim për diçka më konkrete me kalimin e kohës.