Update i fundit i Fortnite duket të ketë konfirmuar se të notuarit nën ujë së shpejti do të luajë një rol masiv në battle royale-in e Epic.
Teksa patch v12.61 erdhi në Fortnite në 25 maj, dataminers ju futën punës dhe filluan të zbulonin gjërat që do të vijnë së shpejti në lojë. Cosmetics të reja dhe teasers për eventin e Doomsday u zbuluan. Bashkë me to edhe konfirmimi për të notuarit nën ujë.
“Padyshim që do të zhytemi nën ujë,” shkruajti datamineri FNBRHQ në Twitter bashkë me një foto të kategorive të reja të bëra leak në kodin e lojës. Ndër to “Underwater Swimming” listohet si kategori kryesore bashkë me ‘NoWeapon’ dhe ‘DirectionalMovement’ më poshtë.
Të notuarit nën ujë ishte përkohësisht e mundshme gjatë eventit Astronomical të Travis Scott. Gjatë një prej këtyre këngëve lojtarët u zhytën në oqean dhe filluan të notonin së bashku.
Animime plotësisht të reja duket se i lejojnë lojtarët të notojnë nga të gjitha drejtimet, të dalin në sipërfaqe, të zhyten më thellë ose thjesht të pluskojnë në rehatinë e tyre. Një veçori që ende duket të mungojë është të qëllosh teksa je nën ujë.
Sezoni i 3 i Fortnite pritet të fillojë në 4 qershor, por duket se eventi i Doomsday do ruajë qendrën e vëmendjes deri atëherë. Doomsday Clock do të përfundojë në 30 maj. Nuk dihet se sa ka për të ndryshuar harta në Sezonin e 3, por është e sigurt të hamendësojmë që rëndësia e ujit do të rritet.