Leaker-i i njohur i Fortnite, HYPEX, zbuloi se kur do të vijnë makinat në battle royale. Në një nga trailerat e sezonit të ri, Epic Games tregoi një skenë me makina që qarkullonin rreth hartës. Tani duke marrë parasysh se gjysma e hartës gjendet nën ujë dhe makinat nuk është se mund të ecin si rosat, ato ende nuk kanë ardhur në lojë.
Leakers dhe data-miners kanë patur mundësinë të shikojnë stats-at dhe emrat e disa prej këtyre makinave, ndërkohë që HYPEX ka treguar edhe një datë fikse për ardhjen e tyre. Ai tha se ato do të vijnë në 21 korrik.
21 korriku i bie ditë e enjte. Diçka e tillë është një ndryshim në rutinën e battle royale-it Fortnite, pasi Epic ka sjellë historikisht update-et e sezonit të 3 ditën e mërkurë.