Exploit-i i ri i jep një avantazh të padrejte përdouresëve
Exploit-i i ri i jep një avantazh të padrejte përdouresëve
Duket se çdo ditë sa vijnë e zbulohen më shumë bugs në Fortnite, dhe duket se ky është një prej më problematikëve deri më tani. Një lojtar zbuloi se ka një mënyrë për t’i bërë muret të padukshëm, gjë e cila ju lejon t’i shikoni kundërshtarët ndërkohë që ju jeni komplet të sigurt ndaj rreziqeve.
Ajo që e përkeqëson situatën është fakti se ky bug është shumë i lehtë për t’u riprodhuar. Një përdorues në Reddit shpjegon se si ato duken dhe tregon mënyrën se si bëhet ky exploit me vetëm një fjali.
“Për ta bërë këtë, shkatërroni fillimisht pjesën e murit që doni të hiqni dhe më pas klikoni Repair dhe Edit në të njëjtën kohë,” – tha ai.
Padyshim që këto janë udhëzime shumë të lehta pasi vetëm duhet të merrni pickaxe dhe ta shkatërroni murin sa dëshironi dhe kjo është e gjitha. Kundërshtari do ketë të njëjtën pamje si ju, por ata nuk do e dinë që ju jeni të mbrojtur.
Ky bug duket si diçka që do të bëhet patch menjëherë, por duke qënë se Epic nuk po komunikon aq shumë sa më parë me fansat në Fortnite Chapter 2, nuk dihet ekzaktësisht se kur ky bug do të rregullohet.
Kur lojtarët të mësojnë se si ta përdorin këtë bug, ai padyshim që do të abuzohet, prandaj Epic duhet ta rregullojë atë sa më shpejt.
Lojtarët e vjetër padyshim që e kujtojnë kohën kur mund të shihje përmes mureve kur shtypje Edit dhe Epic vendosi që kjo lëvizje jepte shumë avantazh dhe e hoqi atë. Megjithatë, duket se lojtarët kanë gjetur sërish një mënyrë për ta bërë këtë gjë.