Ky është trailer-i më i fundit për lojën e ardhshme Borderlands

Borderlands 3 duket më pranë se kurrë

Gerabox Software ka prezantuar një trailer të ri për një lojë të ardhshme të serisë Borderlands, duke entuziazmuar të gjithë fansat e duke i bërë gati ata për livestream-in nesër nga PAX East. Më poshtë mund të shini trailer-in, në të cilin edhe pse nuk ka aspak gameplay ose shenja për atë çfarë flet loja, përveç disa personazheve dhe kundërshtarëve të famshëm. Traileri quhet “Mask of Mayhem” e duket fare qartë se i përket Borderlands 3.

Është një mënyrë interesante për të entuziazmuar sërish fansat e serisë, pa iu treguar atyre diçka që do të largonte kuriozitetin e tyre mbi lojën dhe historinë e saj. Ky trailer gjithashtu përcjell mesazhin se këto personazhe dhe ky stil loje janë tashmë ikonë. Gearbox nuk ka më nevojë të sjellë diçka të re për të tërhequr njerëzit, mjafton vetëm një shenjë që ajo se çfarë i pëlqen atyre po rikthehet sërish. Të gjitha veçoritë e kësaj serie janë këtu, vetëm se janë të gdhendura në gur, në formën e një maske shumë të njohur.

Nuk është hera e parë që Gearbox na shtyn të mendojmë për Borderlands 3. Presidenti i studios, Randy Pitchford iu tha fansave vjet gjatë PAX West se Gerabox po “punon për atë që ne mendojmë se ju doni që ne të punojmë“

Megjithatë, duhet të presim deri nesër për të mësuar më shumë mbi lojën.