Square Enix ka publikuar trailer-in e parë për lojën e tij të shumëpritur të Avengers. Data e lançimit të Avengers do të jetë 15 maji i 2020s. Loja do të vijë me një histori origjinale, sipas raportimit të zhvilluesit Crystal Dynamics dhe do të prezantojë një interpretim unik të këtyre personazheve.
Ju do të mund të luani si një nga pesë Avengers-at kryesorë: Captain America, Hulk, Iron Man, Thor dhe Black Widow. Na vjen keq për ju që do të donit të ishit Hawkeye. Sinqerisht nuk ju vë faj. Gjithsesi dimë se loja e Avengers do të fillojë universin e saj me kalimin e kohës, ndaj pa merak sepse herët a vonë do të kemi edhe përfshirjen e personazheve të tjera.
Më poshtë mund të gjeni trailer-in, Personazhet janë animuar relativisht mirë. Përveç Thor ndoshta, nuk e dimë se ç’patën me Thor-in. Gjithsesi kaq ishte pak a shumë çdo gjë që zbuluam për lojën e Avengers në E3.