Duke mos patur asnjë datë lançimi për hyrjen e ardhshme në seritë e Grand Theft Auto, fansat kanë mbetur të vetëm me imagjinatën e tyre në kokë, duke krijuar koncepte se si mund të përfundojë loja.
KONCEPTI I LAS VENTURAS PËR GTA 6
Në GTA V, sado që kishte një pjesë të madhe urbane në hartë, shumica e saj ishte rurale. Kjo ishte një ide ndryshe nga çfarë fansat ishin mësuar të shihnin më parë në GTA, pasi shumica e lojërave fokusoheshin në qytete dhe metropole, mbi të gjitha GTA IV.
Duke ruajtur këtë në mendje, ky fans i GTA ka kombinuar mjedisin e madh të qytetit me një zonë shkretëtire që rrethon Las Venturas.
Jo vetëm që dizajni i kësaj harte është i frymëzuar nga GTA V, por pak edhe nga Cyberpunk 2077, që gjithashtu do të ketë brenda saj një zone të madhe shkretëtire, të quajtur outlands. Kjo do të jetë jashtë Night City, si me rastin e Las Venturas këtu.