Closed beta e Valorant ka patur një sasi të konsiderueshme bugs-ash, por është specifikisht një prej tyre që vazhdon të shfaqet dhe që po i bën lojtarët e padukshëm.
Një klip i postuar së fundmi tregon një lojtar Breach që bëhet revive nga Sage-i i skuadrës së tij dhe që rikthehet plotësisht i padukshëm.
Pasi u vra nga katër kundështarë, Sage i bëri revive Breach përpara se të dy lojtarët të shpërthenin në të qeshura. Sage u vra shumë shpejt nga skuadra kundërshtare, duke i dhënë mundësi ti bënte spectate shokut të tij papritmas të padukshëm. Breach ishte në gjendje të eleminonte shumë kundërshtarë që nuk e shikonin dot atë.
Kjo nuk është as hera e parë që diçka e ngjashme ka ndodhur, pasi një tjetër klip ka treguar një Phoenix, që gjithashtu ishte plotësisht i padukshëm. Gjithsesi ky glitch nuk është i një lloji që përsëritet shpesh.
Riot Games ka qenë duke punuar me një zgjidhje për të gjitha këto bugs dhe glitches, sa janë ende në beta. Së fundmi ata sollën një hotfix që rregullonte disa prej problemeve të hasuara nga lojtarët. Gjithsesi do të thonim që këto bugs do i mbajnë zhvilluesit e zënë për pak kohë.