Horizon Forbidden West, vazhdimi i lojës Horizon Zero Dawn të 2017s, nuk do të vijë në PlayStation 5 deri në vitin 2021. Kjo u konfirmua nga drejtori i lojës Mathijs de Jonge, në një video të re që tregonte më shumë informacion për lojën e ardhshme. Sipas Mathijs, Guerilla Games po synon ta lançojë lojën vitin e ardhshëm në 2021, duke nënkuptuar se ajo nuk do të vijë bashkarisht me lançimin e PS5 këtë fundvit.
Sado që nuk ka xhirime të reja të Horizon Forbidden West në video, Mathijs ofroi më shumë detaje se çfarë mund të presim kur ajo të vijë vitin e ardhshëm. Sipas tij bota e Forbidden West është edhe më e detajuar se lojërat e mëparëshme dhe gjithashtu ofron një hartë më të madhe.
Falë SSD-së super të shpejtë të PS5, Mathijs premton se nuk do të ketë loading screens dhe se restartimi i niveleve do të kryhet shumë shpejt.
Diçka tjetër që u shpjegua në video ishte se titulli, që në pamje të parë vjen pak qesharak, i referohej një fronti të ri misterioz që ka kapluar gjysmën perëndimore të SHBA post-apokaliptike. Horizon Forbidden West gjithashtu do të sjellë një duzinë me makina të reja për të studiuar dhe luftuar përkrah fiseve të reja njerëzore. Shikojeni klipin në fjalë më poshtë: