“Prologue është një eksplorim i gameplay-it dhe teknologjisë së re.”
“Prologue është një eksplorim i gameplay-it dhe teknologjisë së re.”
Brendan “PlayerUnknown” Greene mund të njihet për një lojë tjetër së shpejti. PlayerUnknown do të lançojë një lojë të re të quajtur Prologue, që u njoftua në Game Awards në 12 dhjetor.
Nuk dimë ende shumë për Prologue, por traileri të bën pritë për një lojë të frikshme. Të lehurat e qenve, frymëmarrja intensive dhe zhurma e shiut në mes të pyllit e përforcojnë edhe më shumë këtë ide.
“Prologue është një eksplorim i gameplay-it dhe teknologjisë së re. Synimi ynë me këtë lojë është ti japim lojtarëve eksperienca unike dhe të paharrueshme, sa herë që ata luajnë.”
Sado që traileri dhe website-i i këtij projekti nuk bëjnë shumë përveçse e ngacmojnë pak idenë te fansat, shumë njerëz janë të entusiazmuar me idenë e një loje të re, mbi të gjitha kur merr parasysh se sa e madhe u bë PUBG.
Fansat nuk e dinë nëse Prologue do të lidhet me PlayerUnknown’s Battlegrounds apo jo. Është e mundur që Prologue, të jetë edhe thjesht një prolog për PUBG.
Ju mund të vendosni adresat tuaja të email-it në website-in e projektit për më shumë informacione. Skuadra ka qenë duke punuar me këtë lojë prej nëntë muajsh. Momentalisht nuk ka asnjë datë lançimi për Prologue.