Kur do të mbahet eventi i Travis Scott në Fortnite

Duket se skini i Travis Scott që u bë leak përpara disa muajsh në Fortnite, më në fund mund të bëjë një paraqitje në lojë. Një teaser brenda lojës duket të konfirmojë një farë eventi ose performancë të Travis Scott që do të vijë së shpejti.

Në datë 16 prill, leaks zbuluan një event të koduar me emrin ‘Jerky‘ në filet e lojës dhe si duket, playlist-a e përdorur për eventin e Marshmello gjithashtu ishte koduar me të njejtin emër. Kjo nënkupton se mund të sillet diçka e ngjashme në lojë.

Tani janë zbuluar teasers në lojë të cilat thuajse e konfirmojnë një performancë të Travis Scott në Fortnite. Kryesori nga të gjitha këto, është që fundi i këngës Highest in the Room mund të dëgjohet në zona të caktuara të hartës.

Krahas muzikës që po luhet, lojtarët gjithashtu kanë vërejtur postera për eventin në hartë. Ata nuk japin shumë të dhëna, por ka një logo muzikore mbi ta, që nënkupton ardhjen e një performance në lojë.

KUR DO TË JETË EVENTI I TRAVIS SCOTT NË FORTNITE?

Fatkeqësisht nuk ja kemi idenë se kur do vijë ky event në lojë, por kjo nuk do të thotë që nuk mund të bëjmë hamendësime. Gjasat që të ndodhë këtë javë janë të pakta. Do thonim që në një nga të shtunat ose të dielat e ardhshme është probabiliteti më i madh.

Nëse Epic zgjedh ti bëjë gjërat në të njejtën mënyrë siç bëri edhe me Marshmello, atëherë e shtuna do të ishte një ditë e përshtatshme. 25 prilli ndoshta?