Pas mbylljes së Season 10, që literalisht thjesht e fshiu Fortnite jashtë ekzistencës, duke i lënë lojtarët në pritje të një vrime të zezë, nuk pati asnjë njoftim të mëtejshëm se kur loja do të kthehej online pas The End.
Gjithsesi, falë futjes në kodin e lojës që kanë bërë disa data miners, dimë se ka një mundësi që eventi do të mbarojë se shpejti me dy evente njëri-pas tjetrit që priten të mbyllen në 4:07pm dhe 5:07 pm CT. (Pra nëse kalkulimet e mia janë të sakta me orën tonë i bie, në 23:07 dhe 00:07.)
Vargu i parë lexon “kevin_says_hello – 5:07 PM EST” dhe i dyti: “survey_br_nick_001 – 6:07 PM EST.” Secili prej tyre është një shenjë për mbylljen e një eventi, që do të thotë se një event mbaron dhe një orë më vonë një tjetër mbaron pas tij.
Epic Games ka qëndruar i heshtur rreth fundit të Fortnite, duke mbyllur të gjitha postet dhe detajet e mëparëshme të lojës në Twitter dhe Trello. Gjithçka që zhvilluesi ka lënë pas janë disa links që tregojnë një stream të vazhdueshëm të vrimës së zezë.
Update-i i fundit që do të kemi në raport me lojën është një patch 5.29 GB që do të futet për versionet mobile të lojës. Kjo mund të sjellë një valë tjetër pune nga dataminers, por deri kur të kenë mbaruar ata me shumë mundësi eventi i rradhës do të ketë filluar.
Fortnite me shumë gjasa do të kthehet përpara fundit të ditës, duke sjellë me të plot gjëra të reja që do i dyndin lojtarët në lojë, plus pse ndoshta edhe një bazë të re lojëtarësh. E gjitha varet nga planet e Epic për lojën.
Ekziston edhe një thashethem pastaj, që sugjeron se loja do të qëndrojë e mbyllur deri të martën, por momentalisht shihet e gjitha si spekulim.