Sezoni i tretë i Apex Legends është momentalisht në fluks të plotë në lojë, por kjo nuk i ka ndaluar fansat të nisin spekulimet se kur do të kenë të bëjnë me gjërat e reja sezonale, mbi të gjitha me Season 4 që gjendet në horizont.
Respawn Entertainment padyshim që do të dojë të sjellë ndryshimet e tij në lojën battle royale, por ndoshta jo në të njejtin intensitet që i solli në Season 3. Gjithsesi, le të shohim se çfarë dihet deri tani.
KUR DO TË LANÇOHET SEASON 4 I APEX LEGENDS?
Ende pa një datë specifike, fillimi i Season 4 si rregull duhet të bëhet në dhjetor. Kjo e bazuar në planin vjetor të Respawn për lojën. Gjithsesi, plani fillestar i zhvilluesit, kishte planifikuar shtatorin si datë lançimi për Season 3. Problemi ishte që të gjitha sezonet filluan një muaj me vonesë dhe mund të presim të njejtën gjë edhe për Season 4,
Kjo e pozicionon Season 4 në një periudhë lançimi në janar, thuajse një vit të plotë pasi loja u lançua fillimisht.
A DO TË KETË NJË LEGJENDË TË RE NË APEX LEGENDS SEASON 4?
Sezonet e mëparëshme kanë prezantuar Octane, Wattson dhe Crypto në bashkësinë e Apex Legends dhe në Season 4 nuk ka pse të kemi përjashtime. Gjithsesi është ende e vështirë për momentin të thueht se kush ekzaktësisht do të jetë personazhi i ri në lojë.
Kemi patur të bëjmë me shumë leaks për legjenda të mundshme, në disa raste disa edhe më të detajuara se të tjerat, por në dallim nga Crypto në Season 3, këtu ende nuk kemi marrë një drejtim të dukshëm në leaks-at që qarkullojnë.
Mund të konsiderojmë që Revenant ta ketë rradhën, duke qenë se luan një rol në Shadowfall LTM. Në të njejtën kohë mundësi të barabarta ka edhe Rosie ose Nomad, dy legjenda që kanë figuruar në leaks-at e Season 3.
A DO TË KETË ARMË TË REJA SEASON 4?
Siç çdo sezon ka sjellë një personazh të ri, e njejta gjë ka ndodhur me armët. Tashmë kemi parë L-Star dhe Charge Rifle ti bashkohen spektrit dhe me shumë mundësi një tjetër si to do të vijë në të ardhmen. Se çfarë do të jetë, mbetet sërish të presim dhe ta shohim.
SA DO TË KUSHTOJË BATTLE PASS-i i SEASON 4?
Battle Pass-et për të treja sezonet e mëparëshme kanë kushtuar 950 Apex Coins, ndaj gjasat janë që do ju duhet të merrni 1000 nga dyqani për $10 edhe për Season 4.