Lançimi i Chapter 2 në Fortnite realisht e ndryshoi lojën në shumë mënyra. Jo vetëm që prezantoi shumë kontent të ri në lojë si: një sërë hartash, items dhe veçori të reja, por gjithashtu i dha mundësi Epic Games për të hapur një faqe të re në librin e Fortnite.
Zhvilluesit realisht e kthyen Fortnite në një version jo shumë të ndryshëm nga fazat e hershme të lojës në 2018n, me armë të limituara dhe item pool, vetëm një automjet dhe jo shumë vendndodhje të emërtuara në hartë.
Ishte e kuptueshme nga ana e Epic që vendosi ta quajë këtë instalim Chapter 2 Season 1 dhe jo Season 11. Fundja shumica e gjërave ekstravagante të Season 10 ishin hequr. Si rezultat lojtarët mezi po presin të shohin se çfarë do të sjellë e ardhmja e Fortnite, duke filluar me Season 2.
Kur do të mbarojë Fortnite Chapter 2: Season 1?
Siç e do dhe tradita, nuk ka asnjë mënyrë për ta ditur me siguri se kur do të mbyllet një sezon në Fortnite, deri në momentin që Epic Games fillon të japë të dhëna rreth kësaj nëpër media sociale. Gjithsesi, ka disa të dhëna që mund të analizojmë për të vendosur më mirë se kur mund të mbyllen Season 1, duke filluar me timer-in e Battle Pass-it.
Kur Season 1 u lançua në 15 tetor, countdown-i i Battle Pass-it tregoi se kishte edhe 54 ditë të mbetura në sezon. Sipas këtyre përllogaritjeve, e diela e 8 dhjetorit do të ishte fundi i tij. Një teori kjo në fakt që ka sens, sepse edhe sezoni i mëparëshëm u mbyll në ditë të diele.
Sidoqoftë, nëse ka diçka që të gjithë kanë mësuar për Epic Games është që gjërat nuk janë gjithmonë ashtu siç duken dhe Epic e ka shtyrë fundin e Season 1 për në 2020n. Një datë ende nuk është dhënë, por tani mendohet se do të mbyllet nga fillimi i shkurtit.
Datat e fillimit dhe fundit të sezoneve shtyhen vazhdimisht gjatë gjithë kohës. Marrim rastin e Season 10 për shembull. Ai përfundoi duke u shtyrë thuajse një javë, që ti jepte lojtarëve më shumë kohë për të potësuar sfidat, përpara se vrima e zezë e eventit The End të çonte çdo gjë në errësirë.
Kur do të fillojë Fortnite Chapter 2: Season 2?
Me vonesën në fjalë, tashmë nuk kemi më një ide shumë të qartë se kur do të fillojë sezoni i ardhshëm. Nëse do të jetë si shumica e sezoneve paraardhëse, sezoni i ri do të fillojë në të njejtën ditë që ky i tanishmi mbaron.
Gjithsesi, një sezon i ri nuk ka filluar kurrë të dielën në të gjithë historinë e Fortnite. Shumica e datave të lançimit kanë qenë ose të marta ose të enjte, me disa raste të veçanta që kanë rënë e premte.
A do të ketë një event në lojë për Season 2?
Eventet përpara fillimit të një sezoni janë bërë e traditës për Epic Games. Sado që The End do të mbahet mend si më i madhi i të gjithëve, dyshojmë që zhvilluesit do e ndërpresin traditën për sezonet në vijim.
Nëse do të kemi një event, shenjat e para për këtë do të vijnë nga file-t e lojës që data-miners mund të gjejnë dhe të bëjnë leak. Kjo do të ndiqet nga ndryshime reale në lojë pastaj, si modifikime të hartës ose countdown-e.