Të gjitha thashethemet dhe leaks që janë bërë deri tani për lojën.
Të gjitha thashethemet dhe leaks që janë bërë deri tani për lojën.
Grand Theft Auto 6 është një nga lojërat më të anticipuara të vitit dhe fansave nuk ju është dashur kurrë të presin kaq shumë për një instalim tjetër të serive. Një pyetje prapëseprapë ju ka mbetur në mendje të gjithëve. Kur do të lançohet loja? Le ti hedhim një sy të gjitha gjërave që dimë deri tani.
Rockstar Games mund të mos e kenë konfirmuar akoma GTA 6, por me mbi pesë vite pritje, fansat janë bërë goxha të paduruar. Njerëzit në këtë pikë janë të dëshpëruar për informacion. Disa prej tyre edhe shpresonin për një njoftim në Sony PlayStation Awards ose në Game Awards, por fatkeqësisht asnjë prej tyre nuk ndodhi.
Në mungesë të informacioneve nga zhvilluesi, fansat kanë gërmuar vetë për sado pak fakte ose të dhëna që mund të gjenin. Nëse do të bazohemi në suksesin e GTA Online, Rockstar do të ketë një superlojë në dorë kur dhe nëse do e sjellë GTA 6.
Duke i dhënë lojtarëve të GTA V vazhdimisht gjëra të reja në lojë, me formën e update-eve javore, fansat kanë qenë të zënë prej kohësh. Kjo prapëseprapë nuk i ndalon që të pyesin veten se cili është hapi i rradhës?
Përgjithësisht ka patur gjithmonë një hapësirë prej katër ose pesë vitesh ndërmjet lojërave të GTA. Nëse do të kishim ndjekur këtë rregull, loja do të kishte ardhur që në 2018n.
Rockstar ka njoftuar për shumë hapje të vendeve të punës këtë vit, që mund të kenë qenë të lidhura me GTA 6, të gjitha role që asistojnë mirë në krijimin e një loje të re.
Me lançimin e konsolave të gjeneratës së ardhshme, ka shumë gjasa që zhvilluesit do të presin për publikimin e konsolave PlayStation 5 dhe Xbox Series X, përpara se ta sjellin GTA 6.
Përveç krahasimit me gjeneratat e konsolave dhe me lojërat e mëparëshme edhe analistët e fushës kanë dhënë parashikimet e tyre mbi lojën. Sipas tyre ajo do të lançohet edhe më vonë nga ç’presin shumica.
Alex Giamo parashikon se GTA 6 nuk do të shihet në raftet e dyqaneve deri në 2022, me Rockstar që mendohet ta mbushë hapësirën me projekte më të vogla si Bully ose Max Payne. Gjithsesi, Bully 2 u anullua gjatë zhvillimit, ndaj kjo pjesë mund të hiqet nga ekuacioni.
Vendndodhja për hartën e GTA 6 është spekuluar prej muajsh nga fansat. Londra ishte një nga kandidatet e herdhme, por leaks-at e fundme, i kanë çuar gjërat në një drejtim tjetër.
Vendndodhjet e përfolura variojnë nga Londra, në një remake të Los Angeles, në Miami dhe edhe në Chicago. Thashetheme të tjera sugjerojnë se edhe rikthimi në Vice City është një opsion, mundësisht edhe një miksim me Amerikës së Jugut dhe Azisë.
Ka shumë spekulime nëse do të ketë një personazh kryesor apo personazhe të shumëfishta si ato në GTA V. Një thashethem sugjeron se Rockstar do të prezantojë një protagonsite femër në GTA 6. Vështirë të dish se sa i saktë është ky informacion gjithsesi.
Një tjetër burim thotë se loja do të ndjekë historinë e një shitësi droge të quajtur Ricardo dhe udhëtimin e tij për tu bërë një lord droge në Vice City. Sigurisht që as kjo nuk është konfirmuar.
Një tjetër opsion që mendohet është që Rockstar të heqë campaign-in Co-Op dhe ta ndërrojë me misione Team Campaign, që mund të sjellin elemente të reja të competitive play në story mode të GTA 6.
Duhet të kemi parasysh se momentalisht nuk ka asgjë konkrete për Grand Theft Auto 6. Ekziston një bindje e fortë në të gjithë fansat e lojës për ardhjen e instalimit të ardhshëm. Le të shpresojë që viti i ardhshëm do të vijë me më shumë informacione për këtë projekt. Qëndroni të update-uar me faqen tonë për të rejat më të fundit rreth saj.