Një guidë me vendndodhjet ekzakte
Një guidë me vendndodhjet ekzakte
Një pjesë e misioneve Worlds Collide në Fortnite është një detyrë fare e thjeshtë: shko të vizitosh një prej dy vendndodhjeve të memorialeve të Cube në hartën e Fortnite. Fatmirësisht, kjo është fare e lehtë kur e di se ku të shkosh, prandaj hidhni një sy më poshtë.
Ja vlen të përmendet që fillimisht duhet të mbaroni të paktën një mision tjetër Worlds Collide përpara se të keni mundësi të plotësoni këtë mision, përndryshe vizita juaj nuk do të llogaritet.
Memoriali i parë i Cube mund të gjendet në pjesën juglindore të hartës, mbi një prej shumë rrafshnaltave që ndodhen vetëm pak në jugperëndim të Paradise Palms. Shikoni shenjën blu në foto. Kur hidheni në lojë, shikoni për rrafshnaltën që duket sikur ka një unazë me shenja djegieje në të. Në qëndër të saj do arrini të gjeni memorialin e Cube.
Memoriali i dytë i Cube është fiks jashtë Loot Lake në hartën e Fortnite. Nëse kujtoheni mirë, këtu ne u njohëm për herë të parë me Cube, pak kohë më parë.
Kërkoni për një aureolë gjigande që rrethon Vault-in e hapur në Loot Lake. Fiks jashtë asaj zone është ajo që ka mbetur tashmë nga liqeni i Loot Lake. Në një copë toke me bar, e cila ka disa gurë që dalin jashtë dhe bien në sy, mund të gjendet memoriali i dytë i Cube në hartën e Fortnite.
Sezoni 10 i Fortnite Battle Royale ka sjellë ndryshime vërtet të mëdha në lojë. Kemi pasur plot vendndodhje që janë larguar nga loja si dhe shumë të tjera që janë rikthyer, edhe pse shumë më ndryshe nga më parë. Megjithatë, sezoni 10 nuk ka ardhur pa problematikat e tij. Lojtarët kanë pasur ankesa të shumëta për B.R.U.T.E. në lojë, e madje këto pakënaqësi i kanë shprehur dhe shumë prej streamer-ave të lojës. Megjithatë, ne mezi presim të shohim se çfarë na pret në të ardhmen e këtij sezoni të Fortnite.