Ku mund të gjeni Lake Canoe, Camp Cod & Rainbow Rentals në Fortnite

Seti i ri i sfidave për javën e 6 të Fortnite Season 2, të njohura ndryshe si sfidat e Meowscle Mischief përfshin një sfidë që i kërkon lojtarëve tëkërcejnë në Lake Canoe, Camp Cod dhe Rainbow Rentals. Më poshtë do të gjeni një guidë se si mund ti gjeni ato dhe mënyrën më të shpejtë për të arritur këtë objektiv.

Ku të gjeni Lake Canoe, Camp Cod dhe Rainbow Rentals

Lajmi i mirë këtu është që nuk duhet të kërceni në të treja vendet brenda një ndeshjeje, ndaj merrni kohën që ju nevojitet. Lake Canoe është ndoshta më i thjeshti nga të treja vendet për tu gjetur, pasi është një ishull i vogël me katër kanoe që janë vendosur kundrejt njëra-tjetrës. Fotoja e saj është më sipër.

Për të gjetur Rainbow Rentals, duhet të drejtoheni nga ana tjetër e ishullit dhe të gjeni pesë ndërtesa me ngjyra të ndryshme, që ndodhen në breg të detit, mu në perëndim të Weeping Woods.

Së fundmi Camp Cod është ndoshta edhe më i vështiri për tu gjetur, pasi nuk ndodhet në pjesën kryesore të hartës së Chapter 2. Këtu jeni duke kërkuar në jug të ishullit, për copëz të vogël toke që gjendet pranë bregut. Mbi të ndodhet Camp Cod, një hambar jeshil i rrethuar nga një gardh metali dhe makina të shkatërruara.

Në hartën më poshtë keni të shënuar me X vendndodhjet ekzaktë të të treja vendeve. Pasi të shkoni aty thjesht performoni një kërcim dhe e keni mbyllur sfidën.